Вечерва на Меѓународен Славјански Универзитет „Г. Р. Державин“ се одржа концерт на руските солистки Аљона Мартинова и Екатарина Карташова од градскиот округ Електростаљ (Руска Федерација), кој е збратимен со општина Струмица.
На настанот се одржа и изложба која беше организирана по повод 9-ти мај, Денот на победата над фашизмот. Организатори беа градскиот округ Елекростаљ, Амбасадата на Руската Федерација во Р. Македонија и Меѓународен Славјански Универзитет „Г. Р. Державин“.
Аљона Мартинова аи Екатерина Карташова имаат освоено први награди на руски и меѓународни вокални натпревари. Аљона Мартинова учествуваше и на Еврофест во Скопје во 2017-та година, каде освои гран-при. Тие пееја песни за љубовта кон татковината и победата.
