Основан од Меѓународниот Славјански Универзитет, Институтот за култура и уметност постои од 2011 година и од своите почетоци па сé до денес може да се истакне со остварени голем број активности.

Работењето на институтот ги опфаќа сите области на општественото делување и воедно ја вклучува и младата популација на која и овозможува услови за промовирање на културни активности. Секако, не се занемаруваат и активните граѓани кои секојдневно творат со исклучително висок квалитет и уметниците со долгогодишно искуство. За нив често се организираат и фестивали каде што има токму наградени дејствувачи во областа на поезијата со награда за нивното долгогодишно работење, со награди за карикатура, афоризам или хумореска каде се истакнува квалитетот и долгогодишната работа на нашите учесници.

Претежна дејност на Институтот за култура и уметност и неговата основна функција е научно-истражувачката и едукативната дејност, дејностите од областа на културата и уметноста, издавачката дејност, како и афирмација на творечките вредности создавани во наставно-научниот процес на МСУ.