Денес во конференциската сала на Меѓународен Славјански Универзитет „Г. Р. Державин“ во Св. Николе беше промовирано најновото издание од нашата официјална издавачка куќа Меѓународен Центар за Славјанска Просвета – збирката поезија „Од душата’
„Од душата“ е првенец, двојазично поетско дело на Оливера Трајковска.
Песните се оригинално напишани на македонски јазик, а преведени на руски јазик од м-р Елена Силјаноска.
Промоцијата беше спој на поезија, музика и ликовна уметност, а промотори на книгата беа м-р Наташа Пешевска и Александар Алексов.
Програмата беше надополнета и со настапите на м-р Елена Силјаноска и рускиот вокален ансамбл „Чајка“, Александар Богдановски, Ирена Трајковска, Тина Трајковска, како и изложбата на Новица Трајковски.
Со своја точка се претставија и дечињата од Центарот за лица со посебни потреби – Св. Николе.
