Вториот ден од шаховскиот турнир на Славјанскиот универзитет започна со симултанка против велемајсторот Богдановски. Се играше на 22 табли, на крајот тројца натпреварувачи успеаа да извадат нерешен резултат (Птоломеј Стојанов од Скопје, Давид Манески од Прилеп и Филип Стрезовки од Битола) и една победа на Марија Бошковска од Охрид. Воедно Марија е и наш студент на Факултетот за психологија. Во исклучително интересен и топол амбиент младите шахисти имаа задоволство да разменат потези, мислења и искуства со еден од најдобрите македонски шахисти.
