На 6-ти март, четврток, во просториите на МСУ беше отворена изложбата на уметничките дела на Лена Ѓуриќ, насловена „Парижанка од Свети Николе“.
Лена Ѓуриќ секогаш и секаде, каде и да ја водел животот, низ сите бурни времиња на нејзиното постоење, јасно ставала до знаење дека е родена во Свети Николе. Затоа, по повод Меѓународниот ден на жената, Осми март, таа се врати во родното место со оваа изложба од 40 нејзини дела, на кои работела во периодот од 2009-тата година, па до денес. Изложбата беше отворена од градоначалникот на општина Свети Николе, Зоран Тасев.
Сликите на оваа Македонка, која повеќе од 30 години живеела и творела во Париз, се вистински празник за очите и душата на секој поединец кој ја имал привилегијата да застане, да ги погледне и да навлезе во суштината на сликарството. Погледнете дел од нејзините уметнички дела:
