Во сабота, 25-ти октомври 2014 год со почеток од 18:00 часот, светиниколската публика ќе има ретка можност да ги слушне најпопуларните руски песни и романси во големиот амфитеатар на Меѓународен Славјански Универзитет „Г. Р. Державин“ – Свети Николе испеани од Хорот на Валаамскиот манастир од Русија.
Во составот на хорот влегуваат познати професионални музичари од Санкт Петербург, дипломци на Санктпетербуршката хорска школа во Државната академска капела “М.И.Глинка” и Санктпетербуршкиот државен конзерваториум, „Н.А.Римски-Корсаков”, Владимир Милер (бас-профундо), солист на Бољшој театар, Михаил Круглов, (бас-профундо), Дмитриј Попов (контра-тенор), Александар Бордак (тенор), како и други дипломирани и афирмирани пејачи, а со хорот ке диригира Алексеј Жуков.
Ова е единствен и редок културен настан кој вреди да се проследи.
Покрај настапот на хорот, истата вечер во Меѓународниот Славјански Универзитет – Свети Николе ќе биде отворена и изложбата насловена „Светски пожар“, посветена на 100-годишнината од Првата светска војна, а изготвена од Здружението на Руската дијаспора во Македонија.
ВЛЕЗОТ Е СЛОБОДЕН.
