Се уште е во тек првиот ден од младинскиот шаховски турнир „Державин“ во организација на нашиот универзитет, кој по трет пат се одржува во Битола.
Пријавени беа вкупно 83 кандидати од земјата од кои дури 42 наптреварувачи имаа рејтинг над 1000. На свеченото отворање на турнирот покрај организаторот, зедоа збор и Сашко Павловски, претседател на шаховскиот клуб „Стево Патако“ – Битола, а турнирот официјално го отвори Валентин Груевски, Претседател на Совет на Општина Битола. Судиската тројка предводена од Тони Кировски беспрекорно ги водеа сите натпревари во шесте кола кои беа предвидени за денес.
Утре, турнирот продолжува од 10 часот со тоа што ќе се одиграат останатите 5 кола, за на крај да се доделат наградите за најдобрите по возрасните категории U8, U10, U12, U14, U16 и останатите.
Бидејќи турнирот е рејтингуван и пријавен во Светската шаховска федерација, резултатите можете да ги проследите на следниов линк:
http://chess-results.com/tnr404673.aspx?lan=1&art=0&fed=MKD&turdet=YES&flag=30&fbclid=IwAR0slT3uahgXu4w5JQgQ4SfrTiAel9g7hpshdyuuz-mN7YgWk_Ww_Nt0u1Q
