На 27.10.2017, со почеток во 19:00 часот во просториите на Меѓународен Славјански Универзитет „Г. Р. Державин“ во Битола, беа врачени наградите на учесниците на Конкурсот за карикатура, хумореска и афоризам „Јас, Итар Пејо”.
На конкурсот пристигнаа карикатури од 78 автори од целиот свет, афоризми од 49 автори и хуморески од 30 автори. Наградените автори добија златни, сребрени и бронзени плакети и парични награди.За конкурсот беше специјално изработена статуетка на Итар Пејо, која се додели само на првите места.
Освен главните награди, комисиите одлучија да доделат и специјални награди на дел од учениците на конкурсот. По доделувањето на наградите беше отворена изложба од карикатурите кои пристигнаа на конкурсот.
